Ang pagbabasa ng Biblia ay isang mahalagang hakbang patungo sa mas malalim na relasyon sa Diyos. Una, magsimula sa panalangin. Humingi ng gabay sa Banal na Espiritu upang maunawaan mo ang mga salita ng Diyos. Sabi sa Santiago 1:5, "Kung nagkukulang ng karunungan ang sinuman sa inyo, humingi siya sa Diyos na nagbibigay ng sagana sa lahat..."
Pangalawa, piliin angkop na bahagi ng Biblia para simulan. Maraming nagsisimula sa Ebanghelyo ni Juan dahil malinaw nitong ipinaliliwanag kung sino si Jesus at ang kanyang gawain. Sa Juan 20:31, sinasabi, "Ngunit ang mga ito'y sinulat upang kayo'y sumampalataya na si Jesus ang Kristo, ang Anak ng Diyos..."
Ikatlo, maglaan ng regular na oras araw-araw upang magbasa. Kahit ilang talata lamang, ang mahalaga ay ang patuloy mong pag-aaral. Huwag magmadali at hayaang lumalim ang pagkaunawa sa bawat talata.
Ikaapat, maghanap ng mga kasama sa pagbabasa, tulad ng isang kapatid sa pananampalataya o isang grupo na nag-aaral ng Biblia. Makakatulong ito upang magbahaginan ng pananaw at encouragement.
Pinaka-mahalaga sa lahat, tandaan na ang layunin ay makilala si Jesus at mahalin Siya ng lubos. Siya ang ating Tagapagligtas at Panginoon na dapat pag-ukulan ng ating buhay. Tuwing nagbabasa ka, hanapin si Jesus at tanggapin ang Kanyang pagmamahal at biyaya na walang hanggan.